HAKUNA EBOLA TANZANIA WIZARA YA AFYA YATOA UFAFANUZI

Serikali imethibitisha  kutokuwepo kwa ugonjwa wa Ebola  hapa nchini.

Kauli hiyo inakuja baada ya kufanyiwa uchunguzi kwa wagonjwa wawili waliotiliwa shaka kuwa na ugonjwa huo.

Waziri wa Afya na ustawi wa jamii Dkt.Seif Rashid ,alisema wagonjwa  waliohisiwa kupata maambukizo kutokana na dalili za awali, ni mmoja kutoka Benin na Mtanzania, lakini vipimo vimeonesha hawana maambukizo hayo.
Amesema tayari eneo maalumu limetengwa kwa ajili ya kufanyia uchunguzi wagonjwa wanaotiliwa shaka kuwa na ugonjwa huo.
Tayari Mafunzo yametolewa pia kwa wataalamu watakao hudumia wagonjwa iwapo watatokea.