MWANAUME ACHOMWA KISU KICHWANI NA KUFA WAKATI AKITAKA KUBAKA

Shinyanga.

JESHI la polisi mkoa wa Shinyanga linamshikilia mwanamke mmoja anayejulikana kwa jina la Pili Michael(24) kwa tuhuma za kusababisha mauaji ya Stephen Philibert (30), baada ya kuvunja dirisha na kuingia ndani kwa mwanamke huyo  na kutaka kumbaka, ndipo alipojihami kwa kumchoma na kisu kichwani.\

Tukio hilo lilitokea jana majira ya saa tisa usiku mtaa wa ngokolo manispaa ya  Shinyanga  wakati wakristu wakiendelea kusherehekea sikuku ya pasaka,ambapo kijana huyo ambaye hivi sasa ni marehemu alikwenda nyumbani kwa pili kisha kuvunja dirisha na kuingia ndani.

Akizungumzia tukio hilo Kamanda wa polisi mkoa wa Shinyanga  Evarist Mangalla ,alisema kijana huyo aliyeuawa ni mkazi wa Ngokolo , alichomwa kisu kichwani wakati akitaka kumbaka Pili Michael ndipo alijihami kwa kumchoma na kisu kichwani hali iliyopelekea kupiga kelele za kuomba msaada.\

“Maelezo yaliyotolewa na mtuhumiwa ni kwamba Stephen alivunja dirisha la nyumba ya mwanamke huyo anayeishi Ngokolo mjini Shinyanga na kuingia ndani, katika harakati za kutaka kumbaka Pili kujihami kwake alijihami kwa kumchoma kisu kichwani”,alisema kamanda  Mangalla.

Kamanda Mangalla aliongeza kuwa mwanamme huyo baada ya kuchomwa kisu kichwani alipiga kelele za kuomba msaada na kwamba watu walikusanyika na kumpeleka hospitali ya mkoa wa Shinyanga kwa ajili ya matibabu lakini alifariki dunia akiwa katika hospitali hiyo.

 Kaimu mganga mfawidhi wa hospitali ya mkoa wa Shinyanga Dkt Maguja Daniel ,alisema hospitali hiyo haina taarifa kuhusu mwanamume huyo aliyeuawa kwa kuchomwa kisu kufikishwa hospitalini hapo.